لاہور(سپورٹس رپورٹر)لاہور قلندرز کے کپتان شاہین شاہ آفریدی نے ایک ٹوئٹ میں کہا کہ مجھے اس سیزن میں لاہور قلندرز کی کٹ لانچ کرنے کا اعزاز حاصل ہوا ہے۔انہوں نے یہ بھی کہا کہ ہماری ٹیم اچھی تیاری کررہی ہے، ہم پی ایس ایل 7 کو دلچسپ بنائیں گے۔ لاہور قلندرز کے فاسٹ بائولرحارث رئوف نے کہاہے کہ رواں سال ہماری ٹیم ٹورنامنٹ جیتے گی۔ٹوئٹر پر کئے گئے پیغام میں حارث رئوف نے کہا کہ پی  ایس ایل 7 میں ہم نئے کپتان (شاہین شاہ آفریدی) اور کٹ کیساتھ داخل ہوں گے۔انہوں نے مزید کہا کہ نوجوان اور پرجوش شاہین شاہ آفریدی کی کپتانی میں لاہور قلندرز اس سال ٹورنامنٹ جیتے گی۔