اسلام آباد (آئی این پی) علامہ اقبال اوپن یونیورسٹی نے سمسٹر بہار 2022ء کے پہلے مرحلے کے داخلوں میں7شعبوں میں پی ایچ ڈی کے داخلوں کا اعلان کردیا۔ ان میں ایجوکیشن چار سپیشلائزیشن میں (فاصلاتی اور غیر رسمی تعلیم ، ایلمینٹری ٹیچر ایجوکیشن، سائنس ایجوکیشن، ٹیچر ایجوکیشن)، ایجوکیشنل پلاننگ اینڈ مینجمنٹ (EPM)، قرآن اینڈ تفسیر، کیمسٹری، فزکس، شماریات اور ایگریکلچرل ایکسٹینشن شامل ہیں۔ ان پروگرامز میں داخلہ صرف آن لائن لیا جاسکتا ہے۔ داخلہ فارمز اور پراسپکٹسز یونیورسٹی کی ویب سائٹ پر دستیاب ہیں۔ داخلہ فارم جمع کرانے کی آخری تاریخ 14۔فروری مقرر کی گئی ہے ایڈمیشن ٹیسٹ 17سے 24۔فروری کے درمیان منعقد ہوں گے۔