لاہور (سپورٹس ڈیسک) افریقی نیشنز فٹبال میچ دیکھنے کیلئے کیمرون سٹیڈیم کے باہر بپھرے تماشائیوں کی دھکم پیل سے آٹھ افراد ہلاک اور پچاس سے زائد زخمی ہو گئے۔کیمرون سٹیڈیم میں شیڈول افریقہ کپ آف نیشنز میں فٹبال مقابلہ خونی ثابت ہو گیا، روایتی حریف کیمرون اور کوموروس کا میچ دیکھنے کے لیے تماشائیوں نے پہلے سٹیڈیم میں داخل ہونے کیلئے دھکم پیل شروع کر دی۔ کیمرون میں فٹبال میچ کیلئے دھکم پیل سے ہلاکتوں کے بعد ایونٹ کے کوارٹرفائنل دوسرے سٹیڈیم منتقل کر دیئے گئے ۔دی کنفڈریشن آف افریقن فٹ بال اور فیفا نے ہلاکتوں پر اظہار تعزیت کرتے ہوئے کہا ہے کہ میچز کے دوران ہلاک ہونیوالوں کیلئے ایک منٹ کی خاموشی اختیار کی جائی گی ۔