جے یو آئی کا آج یوم صدیق اکبرؓ منانے کا اعلان
لاہور (خصوصی نامہ نگار)جمعیت علماء اسلام نے آج یوم صدیق اکبر ؓ کے طور پر منانے کا اعلان کیا ہے۔جمعیت علماء اسلام کے رہنمائوں مولانا محمد امجد خان،مولانا ڈاکٹر عتیق الرحمن و دیگر نے کہاہے کہ علماء ،خطباء مساجد میں جمعہ کے اجتماعات میں خلیفہ اول حضرت سیدنا ابوبکرصدیق ؓکے فضائل ومناقب بیان کریں گے اورقرار دادیں منظور کریںگے۔خلفاء راشدین کے ایام سر کاری سطح پر منائے جائیں اور ملک میں احتساب کا نظام خلافت راشدہ کے نظام کے نفاذ سے ہی ممکن ہے۔
