اسلام آباد (خصوصی نامہ نگار) اقوام متحدہ میں پاکستان کے مندوب منیر اکرم نے سرمائی اولمپکس 2022ء کے کامیاب انعقاد کے حوالے سے چین کے لئے نیک خواہشات کا اظہار کیا ہے۔ تفصیلات کے مطابق سرمائی اولمپکس 2022ء مقابلے چین کے نئے قمری سال کے موقع پر منعقد ہو رہے ہیں۔ نیو یار ک میں ایک آن لائن تقریب سے خطاب کرتے ہوئے انہوں نے کہا کہ پاکستان پراعتماد ہے کہ چین عمدہ طریقے سے ونٹر اولمپکس کا انعقاد کرے گا اور اسے کھلاڑیوں، چینی عوم اور تمام دنیا کے لئے ایک شاندار اور یادگار بنائے گا۔