لاہور(سپورٹس رپورٹر)سابق آسٹریلوی ٹیسٹ کرکٹر جیف لاسن نے کہا ہے کہ ہیڈ لائن پڑھ کر اچھا لگا مضبوط آسٹریلوی ٹیم پاکستان کا دورہ کرے گی، آسٹریلیا کا طویل عرصہ سے پاکستان کا دورہ واجب الادا ہے۔آسٹریلیا نے 2019 کی ایشیزسیریز کے بعد بیرون ملک ٹیسٹ میچ نہیں کھیلا۔ پاکستان ٹیسٹ کرکٹ کا ایک بڑا ملک ہے، آسٹریلیا نے 24 برسوں سے پاکستان کا دورہ نہیں کیا۔ مجھے پاکستان ٹیم کے کوچ کی حیثیت سے 2 سال پاکستان میں رہنے کا موقع ملا، پی ایس ایل اور دیگر سیریز کیساتھ پاکستان میں کرکٹ واپس آچکی ہے۔جیف لاسن نے کہا کہ آسٹریلیا کو ہار جیت کا سوچے بغیر پاکستان میں کرکٹ کھیلنی چاہیے۔خیال رہے کہ پاکستان اور آسٹریلیا کے درمیان پہلا ٹیسٹ 3 مارچ سے کراچی میں شروع ہونا ہے جبکہ راولپنڈی اور لاہور بھی ٹیسٹ میچز کے وینیوز میں شامل ہیں۔پاکستان اور آسٹریلیا کے درمیان 3 ٹیسٹ اور 3 ون ڈے میچز جبکہ ایک ٹی ٹونٹی میچ کھیلا جائے گا۔