کوئٹہ (بیورو رپورٹ) بلوچستان کے ضلع جعفر آباد اور دکی میں 2 دھماکوں میں ایک شخص ہلاک اور 18 زخمی ہو گئے ہیں۔ ریسکیو حکام کے مطابق جعفر آباد کے علاقے صحبت چوک میں دھماکے میں 17 افراد زخمی ہو گئے۔  زخمی ہونے والوں میں 4 پولیس اہلکار بھی شامل ہیں۔ جبکہ بلاسٹ کی نوعیت معلوم کی جا رہی ہے۔ ادھر ضلع دکی میں گاڑی کے قریب دھماکے میں ایک شخص جاں بحق اور دوسرا زخمی ہو گیا ۔ جعفر آباد دھماکہ کے بعد علاقے  کو سکیورٹی اہلکاروں نے اپنے حصار میں لے کر سرچ آپریشن شروع کر دیا۔ علاقہ خالی کرا لیا گیا۔