فیروزوالہ( نامہ نگار) ڈکیتی،چوری اورراہزنی کی 7 وارداتوں میں ڈاکوؤں نے شہریوں کو لاکھوں روپے مالیت کے زیورات قیمتی سامان اور جانوروں سے محروم کر دیا۔ تھانہ فیکٹری ایریا کے علاقہ میں چوروں نے 2زمینداروں علی اکبر اور فیصل صفدر کے ڈیروں میں داخل ہو کر لاکھوں روپے مالیت کے مویشی چوری کر لئے۔ جی ٹی روڈ پر رانا ٹاؤن کے قریب ڈاکو ؤں نے موٹر سائیکل سوار لیاقت علی کو روکا ڈوریاں ڈاکو 2 موبائل موٹر سائیکل اور نقدی چھین کر لے گئے۔ شاہدرہ کے قریب ڈاکوؤں نے اخباری کارکن بابر علی کو روک کر لوٹ لیا اسے موٹر سائیکل نقدی چھین کر لے گئے۔ جی ٹی روڈ کی آبادی حدوکے میں 2مسلح ڈاکوؤں نے قاسم سے نقدی موبائل چھین کر لے گئے۔ ڈاکوؤں نے لاہو رروڈ کی آبادی سلیم کوٹ کے قریب عمراقبال اوراسکی بیوی کو ہینڈ زپ کروا کر نقدی طلائی زیورات چھین لیے۔ دوران ڈکیتی مزاحمت پر ڈاکوؤں نے اسے زخمی کر دیا۔ لاہور روڈ کی آبادی خان پور کے قریب ڈاکوؤں نے موٹر سائیکل سوار ارسلان احمد اس کی والدہ  اور بیوی کو روک کر لوٹ لیا۔ ڈاکو زیورات نقدی اور موٹر سائیکل چھین کر لے گئے۔