لاہور (سپورٹس رپورٹر)میجر جنرل سعید الزمان جنجوعہ میموریل پولو کپ سپانسرڈ بائی جے ایس بینک کا فائنل شیخو سٹیل /ڈائمنڈ پینٹس نے جیت لیا، فائنل میںآسیان پولو ٹیم کو 8.5-5 سے شکست کا سامنا کرنا پڑا۔ جے ایس بینک کے ریجنل منیجر ماجد قریشی، جنرل سعید الزمان کے صاحبزادے بریگیڈیئر بدر الزمان، کلب کے صدر لیفٹیننٹ کرنل (ر) شعیب آفتاب، سیکرٹری میجر (ر) بابر محبوب اعوان اور پولو کے کھلاڑیوں کی بڑی تعداد موجود تھی۔ مہمان خصوصی جنرل جہانگیر کرامت، مسز میجر جنرل سعید الزمان اور جے ایس بینک کے ریجنل ہیڈ ماجد قریشی نے انعامات تقسیم کیے۔