حافظ آباد (نمائندہ خصوصی+ نامہ نگار) حافظ آباد میں مدھریانوالہ بائی پاس کے قریب مسافر وین میں آگ بھڑک اٹھی۔ جس کے نتیجہ میں 12مسافر شدید جھلس گئے۔ جنہیں ریسکیو 1122کی ٹیم نے موقع پر پہنچ کر ہسپتال منتقل کیا۔ ویگن مسافروںکو گوجرانوالہ سے جلالپور بھٹیاں لے جا رہی تھی۔ مدھریانوالہ بائی پاس کے قریب ویگن میں آگ بھڑک اٹھی جس کے نتیجہ میں 12مسافر شدید جھلس  گیا جن میں سے پانچ کی حالت خطرے میں بیان کی جا رہی ہے۔ مقامی ذرائع کا کہنا ہے کہ گاڑی میں آگ پٹرول لیک ہونے کی وجہ سے لگی۔ گاڑی نسووال سے سپیشل گوجرانوالہ گئی تھی اور واپس نسووال جا رہی تھی کہ اچانک اس میں آگ بھڑک اُٹھی۔