اوکاڑہ (نامہ نگار) اوکاڑہ احاطہ مویشیاں میں سوئے شخص کا وحشیانہ انداز میں قتل، نامعلوم ملزمان نے مقتول کی گردن اورچہرے سے گوشت کاٹ ڈالا۔ گردن اورچہرے پر ہڈیوں کے سوا کچھ نہ تھا۔ پولیس نے درندہ صفت نامعلوم ملزمان کی گرفتاری کے لئے کارروائی شروع کر دی۔ تفصیلات کے مطابق اوکاڑہ کے نواحی علاقہ قلعہ دیوا سنگھ کا رہائشی غلام رسول ولد محمد دین اپنے احاطہ مویشیاں میں سویا ہوا تھا کہ نامعلوم ملزمان رات کی تاریکی میں احاطہ مویشیاں میں گھس آئے، نامعلوم ملزمان نے احاطہ مویشیاں میں سوئے غلام رسول ولد محمد دین کو بڑے وحشیانہ طریقے سے قتل کر دیا۔ ملزمان نے مقتول کوچہرے کو ناقابل شناخت بنا دیا اور موقع سے فرار ہونے میں کامیاب ہو گئے۔