اسلام آباد (نوائے وقت رپورٹ) سرکاری ٹی وی نے دعویٰ کیا ہے کہ برطانیہ میں علاج کیلئے موجود  مسلم لیگ (ن) کے قائد اور سابق وزیراعظم نواز شریف برطانیہ میں ہسپتالوں کے بجائے فیکٹریوں کے دوروں میں مصروف ہیں۔ نواز شریف نے بیٹوں کے ہمراہ مانچسٹر کے قریب نیلسن میں فیکٹری کا دورہ کیا۔ نواز شریف کے ہمراہ سابق وزیرخزانہ اسحاق ڈار بھی فیکٹری کے معائنہ کیلئے لندن سے نیلسن گئے جہاں پر انہیں بریفنگ بھی دی گئی۔ واضح رہے کہ جس فیکٹری کا نواز شریف نے دورہ کیا‘ وہ لندن سے 425 کلومیٹر دور نیلسن کے علاقے میں قائم ہے۔