لاہور (سپورٹس رپورٹر) لاہور قلندرز نے پی ایس ایل میچ میں پشاور زلمی کو29رنز سے شکست دیدی۔نیشنل سٹیڈیم کراچی میں کھیلے گئے میچ میں پشاور زلمی کے کپتان وہاب ریاض نے ٹاس جیت کر فیلڈنگ کا فیصلہ کیا ۔ لاہور قلندرز نے 4وکٹوں کے نقصان پر 199رنز بنائے ۔  فخر زمان نے ایک مرتبہ پھر لاہور قلندرز کیلئے شاندار بیٹنگ کا مظاہرہ کیا اور 38گیندوں پر66 رنز کی اننگز کھیلی۔عبداللہ شفیق نے 41، محمد حفیظ نے 37، کامران غلان نے 30 رنز بنائے ۔ڈیوڈ ویزا صفر پر چلتے بنے۔ راشد خان نے 22 رنز کی دھواں دھار اننگز کھیلی۔ سلمان ارشاد نے 2 جبکہ عثمان قادر اور حسین طلعت نے ایک ایک وکٹ لی۔ پشاور زلمی کی ٹیم جواب میں9وکٹوں پر 170رنز بناسکی ۔ حضرت اللہ زازئی صفر‘کامران اکمل 41‘حسین طلعت 15‘حیدر علی 49‘شعیب ملک 7‘شرفین ردر فورڈ 21‘بین کٹنگ 10‘کپتان وہاب ریاض صفر ‘آرش علی صفر پر آئو ٹ ہوئے ۔عثمان قادر ایک ‘سلمان ارشاد ایک رن پر ناٹ آئوٹ رہے۔ فاضل رنز کی تعداد 19تھی ۔ زمان خان نے تین ‘شاہین شاہین شاہ آفریدی ‘ڈیوڈ ویزا نے دو دو ‘راشد خان نے ایک وکٹ حاصل کی ۔ زمان خان کو میچ کا بہترین کھلاڑی قرار دیا گیا ۔