لاہور(سپورٹس ڈیسک) باکسنگ ‘ویٹ لفٹنگ اور ماڈرن پنتھا لون کو لاس اینجلس اولمپکس گیمز2028ء کے ابتدائی پروگرام میں شامل کرلیا گیا ۔کھیلوں کو بعد میں فہرست کا حصہ بنایا جائیگا۔ انٹر نیشنل اولمپک کمیٹی کااجلاس بیجنگ میں ہوا جس میں 28کھیلوں کے پروگرام کی منظوری دی گئی ۔ کھیلوں میں نوجوانوں کو فوکس کیا گیا ہے ۔ سکیٹ بورڈ نگ ‘سپورٹ کلائمبنگ اور سرفنگ کو بھی شامل کیا گیا ہے ۔ لاس اینجلس ایڈیشنل کھیلوںکیلئے 2023ء میں تجویز دے سکتا ہے ۔ باکسنگ ‘ویٹ لفٹنگ اور ماڈرن پنتھالون کو مستقل کامیابی کی صورت میں انہیں کھیلوںمیں باقاعدہ طور پرآئندہ سال شامل کیا جائیگا۔ باکسنگ کے کھیل پر تحفظات کا اظہار کیا گیا تھا۔