فیروز والہ(نامہ نگار) ٹریفک حادثات میں دو افراد ہلاک اور چار افراد زخمی ہو گئے۔لاہور روڈ پر بائی پاس کے قریب تیز رفتار کیری ڈبہ بے قابو موٹر سائیکل سواروں سے ٹکرا گیا ‘ نوجوان موٹر سائیکل سوار معظم شاہ ہلاک ‘ دو ساتھی فہد اور ذیشان زخمی ہوگئے جن کو  ہسپتال  داخل کرا دیاگیا۔ راوی پرانا پل کے قریب ٹرین کی زد میں آکر نوجوان کامران ہلاک ہو گیا ۔جی ٹی روڈ پر تیز رفتار گاڑی کی ٹکر لگنے سے موٹر رکشہ سوار دو افراد زخمی ہوگئے۔