لاہور(سپورٹس رپورٹر)ملتان سلطانز کے کھلاڑی ٹم ڈیوڈ نے کہاہے کہ پاکستان سپر لیگ میں فاسٹ بائولنگ کا معیار کافی خطرناک ہے، گزشتہ سال لاہور قلندرز کی نمائندگی سے کافی اعتماد ملا تھا۔ محمد رضوان ایک زبردست لیڈر ہیں، ہر کھلاڑی کو اعتماد دیتے ہیں۔ پی ایس ایل نے مشکل کنڈیشنز میں سخت حریف کا سامنا کرنا سکھادیا ہے، ایسوسی ایٹ ملکوں کے کھلاڑیوں کو موقع ملے گا تو کرکٹ بہتر ہوگی۔ان کا یہ بھی کہنا تھا کہ شاہنواز دھانی دلچسپ کرکٹر ہے، مجھے اردو سکھانے کی کوشش کرتے ہیں۔ موڈ خراب ہو تو دھانی کا مذاق آپ کا موڈ خوشگوار بنا دیتا ہے۔