لاہور (سپورٹس رپورٹر)پاکستان سپر لیگ سیزن سیون کے بارہویں میچ میں انوکھا ریکارڈ قائم  ہوگیا، پی ایس ایل کی تاریخ میں پہلی مرتبہ ایک ہی اننگ میں دو بائولرز 4 ، 4 وکٹیں لینے میں کامیاب ہوئے۔لاہور قلندرز کے خلاف اسلام آباد یونائیٹڈ کے وقاص مقصود اور شاداب خان نے 4، 4 وکٹیں لیں۔ ڈومیسٹک ٹی20 میں اس سے قبل 3 میچز میں ایک ٹیم کے 2 بائولرز یہ کارنامہ انجام دے چکے ہیں۔2010 میں لاہور لائنز کے اعزاز چیمہ اور عمران علی نے پشاور پینتھز کے خلاف چار، چار وکٹیں لیں جبکہ 2014 میں ایبٹ آباد کے کامران غلام اور فضل ربی نے ڈی ایم جی کے خلاف یہ کارنامہ انجام دیا۔2019 میں سدرن پنجاب کے زاہد محمود اور محمد حفیظ نے سندھ کے خلاف 4، 4 وکٹیں لیں تھیں۔