لاہور(سپورٹس رپورٹر)پاکستان سپر لیگ 7 کے 14ویں میچ میں اسلام آباد یونائیٹڈ نے کراچی کنگز کو 42 رنز سے شکست دے دی۔کراچی کے نیشنل سٹیڈیم میں کھیلے گئے میچ میں یونائیٹڈ کے 178 رنز کے تعاقب میں ہوم ٹیم مقررہ 20 اوورز میں 9 وکٹوں پر 135 رنز ہی بنا سکی۔ ایونٹ میں کراچی کنگز کی یہ مسلسل پانچویں شکست ہے اور ہوم ٹیم اب تک جیت کا کھاتا نہیں کھول سکی۔اسلام آباد یونائیٹڈ نے مقررہ 20 اوورز میں 6 وکٹوں پر 177 رنز بنائے۔ الیکس ہیلز 30‘پال سٹرلنگ39‘کولن منرو33‘کپتان شاداب خان 34‘آصف علی دس ‘اعظم خان سولہ رنز بناکر آئوٹ ہوئے ۔ فہم اشرف سات رنز پر ناٹ آئوٹ رہے ۔ کرس جارڈ ن نے دو ‘عماد وسیم ‘عثمان شنواری ‘عمید آصف اور محمد نبی نے ایک ایک وکٹ حاصل کی ۔ جواب میں کراچی کنگز کی ٹیم 9وکٹوں پر 135رنز بناسکی ۔ شرجیلی خان چھ ‘کپتان بابر اعظم آٹھ ‘صاحبزادہ فرحان 25‘ایان کوک بین دو‘عمادوسیم نو ‘لیوس گریگوری پندرہ ‘محمد وسیم 47‘کرس جارڈن پانچ ‘محمد طہٰ صفر ‘عمید آصف دس رنز بناکر آئوٹ ہوئے ۔ عثمان شنواری آٹھ رنز پر ناٹ آئوٹ رہے ۔ شاداب خان نے چار ‘وقاص محمود ‘محمد وسیم اور حسن علی نے ایک ایک وکٹ حاصل کی ۔ شاداب خان کو میچ کا بہترین کھلاڑی قرار دیا گیا ۔ کراچی کنگز مسلسل پانچویں شکست کے بعد پلے آف مرحلے سے باہر ہونے کے قریب پہنچ گئی ہے ۔ پوائنٹس ٹیبل پر ملتان سلطانز پانچ میچوں میں تمام جیت کر دس پوائنٹس کیساتھ پہلے نمبر پر ہے ۔ اسلام آباد نے پانچ میچ کھیل کر چھ پوائنٹس حاصل کررکھے ہیں ۔ لاہور قلندرز کے چار میچز میں چھ پوائنٹس‘پشاور زلمی کے پانچ میچز میں چار پوائنٹس‘کوئٹہ گلیڈی ایٹرز کے چار میچز میں دو پوائنٹس جبکہ کراچی کنگز کے پانچ میچ کھیل کر کوئی پوائنٹ نہیں ہے ۔