لاہور(سٹاف رپورٹر)جنوبی پنجاب کے سب سے شاندار اور کامیاب منصوبے ڈی ایچ اے بہاولپور میں پہلا جدید کمرشل منصوبہ ’’تکمیل سکوائر‘‘ متعارف کروا دیا گیا۔ اس حوالے سے منصوبے کی پری لانچ تقریب کا انعقاد کیا گیا۔ جس میں پراجیکٹ ڈائریکٹر ڈی ایچ اے بہاولپور بریگیڈئیر بشارت علی نے بطور مہمان خصوصی شرکت کی، جبکہ سی ای او تکمیل سکوائر کیپٹن (ر) ڈاکٹر کامران فضل سمیت ملک کے نامور سرمایہ کاروں اور ڈیلرز نے شرکت کی۔ تکمیل اسکوائر ڈی ایچ اے بہاولپور کے منظر نامہ میں ایک بہترین اضافہ ہے جسے کمرشل آوٹ لیٹس، تفریحی مقامات، فوڈ کورٹس اور بے مثال سہولیات کیساتھ ڈیزائن کیا گیا ہے۔اس حوالے سے گفتگو کرتے ہوئے سی ای او تکمیل سکوائر کیپٹن (ر) ڈاکٹر کامران فضل نے کہا کہ تکمیل سکوائر ڈی ایچ اے بہاولپور میں ایک ایسا بے مثال منصوبہ ہے جس میں کی جانے والی سرمایہ کاری پر پْرکشش منافع اور مستقبل کا فائدہ یقینی ہے۔ تکمیل سکوائر نہ صرف جدید طرز تعمیر کا شاہکار ہو گا بلکہ اس میں عالمی معیار کی منفرد اور بے مثال سہولیات فراہم کی جائیں گی۔ ان سہولیات میں سر فہرست گلو پارک ہے جو کہ روشنیوں کے سمندر پر مبنی ایک ایسا فقید المثال تفریحی مرکز ثابت ہوگا۔