لاہور ( سپورٹس رپورٹر) ملتان میں کھیلے گئے نیشنل انڈر 16ون ڈے  ٹورنامنٹ کے فائنل میں خیبر پی کے وائٹس نے سدرن پنجاب بلیوز کو 109 رنز سے شکست دے دی۔ خیبر پی کے کرکٹ ایسوسی ایشن کا ڈومیسٹک سیزن 22-2021 میں یہ لگاتار پانچواں ٹائٹل ہے۔ وہ اس سے قبل رواں سیزن میں کھیلے گئے نیشنل ٹی ٹونٹی، قائداعظم ٹرافی، نیشنل انڈر19 ون ڈے کپ اور نیشنل انڈر 13 ون ڈے ٹورنامنٹ بھی جیت چکے ہیں۔ملتان کرکٹ سٹیڈیم میں کھیلے گئے فائنل میں 256 رنز کے تعاقب میں سدرن پنجاب بلیوز کی پوری ٹیم 149 رنز پر ڈھیر ہوگئی۔ اوپنر رانا عدیل کی نصف سنچری بھی رائیگاں گئی۔ فائنل میں 78 رنز کی اننگز کھیلنے پر خیبر پی کے وائٹس کے ریاض اللہ کو پلیئر آف دی میچ قرار دیا گیا۔