لاہور (سپورٹس رپورٹر) قومی کرکٹ ٹیم کے نئے بائولنگ کوچ شان ٹیٹ نے کہا ہے کہ وہ پاکستان ٹیم سے مْنسلک ہونے پر بہت خوش ہیں۔سابق آسٹریلوی فاسٹ بولر شان ٹیٹ نے کہاکہ یہ ایک بڑی ذمہ داری ہے، پاکستان کرکٹ کی دْنیا کا ایک بڑا ملک ہے ، اْس کے پاس شاندار فاسٹ بائولرز ہیں۔ شاہین شاہ آفریدی، حارث رؤف، نسیم شاہ، حسن علی اور محمد عباس اچھے بائولرز ہیں اور یہ صرف ابھی چند نام ہیں جبکہ ان کھلاڑیوں کیساتھ کام کرنے کیلئے میں پْرجوش ہوں۔ یہ جو مجھے موقع ملا ہے  میں اس کیلئے مزید انتظار نہیں کر سکتا۔