لاہور (سپورٹس رپورٹر)پی ایس ایل 7 کے 21ویں میچ میں اسلام آباد یونائیٹڈ نے کراچی کنگز کو سنسنی خیز مقابلے کے بعد شکست دیدی۔ قذافی سٹیڈیم میں کھیلے گئے میچ میں اسلام آباد کی جانب سے 192 رنز کے تعاقب میں کراچی کنگز 8 وکٹوں کے نقصان پر 190 رنز ہی بناسکی۔عماد وسیم اور قاسم اکرم کی نصف سنچریاں بھی کراچی کنگز کو شکست سے نہ بچاسکیں، شرجیل خان 44 رنز بنا کر نمایاں رہے، کپتان بابر اعظم 13 رنز بنا کر پویلین لوٹ گئے۔عماد وسیم 55رنز بناکر آئوٹ ہوئے ۔ قاسم اکرم 51رنز پر ناٹ آئوٹ رہے ۔ وقاص مقصود نے تین اور آصف علی نے دو کھلاڑیوں کو آئوٹ کیا ۔ قبل ازیں کراچی کنگز نے ٹاس جیت کر فیلڈنگ کا فیصلہ کیا ۔ اسلام آباد نے 7وکٹوں پر 191رنز بنائے ۔کپتان شاداب خان 34 رنز کیساتھ نمایاں رہے، آصف علی نے 28 رنز کی اننگز کھیلی، اعظم خان 22 رنز بنا کر آؤٹ ہوئے۔رحمٰن اللہ گرباز 12 اور الیکس ہیلز 25 رنز بنا کر پویلین لوٹ گئے، فہیم اشرف نے 29 رنز کی دھواں دار اننگز کھیلی۔ عما وسیم نے دو کھلاڑیوں کو پویلین کی راہ دکھائی، کرس جارڈن، تھامپسن اور عمید آصف ایک، ایک وکٹ حاصل کرسکے۔آصف علی مین آف دی میچ قرار پائے۔