پنوں عاقل گیریژن کے زیراہتمام ایجوکیشن ایکسپو، سندھ بھر سے طلبہ کی شرکت
اسلام آباد (خبرنگار خصوصی) پنوںعاقل گیریژن کے زیرانتظام آئی بی اے سکھر میں ایجوکیشن ایکسپو کا انعقاد کیا گیا۔ پاک فوج کے شعبہ تعلقات عامہ (آئی ایس پی آر) کے مطابق ایکسپو میں نمایاں یونیورسٹیوں بشمول نسٹ، کامسیٹس، یو ای ٹی، بحریہ یونیورسٹی اور دیگر جامعات نے تعلیمی سٹالز لگا کر ایکسپو میں شرکت کی۔ سندھ بھر سے طلبا نے ایجوکیشن ایکسپو کا دورہ کیا اور تقریب کے انعقاد پر پاک فوج کی کاوشوں کو سراہا۔ آئی ایس پی آر کے مطابق گیریژن کمانڈر پنو عاقل گیریژن نے ایکسپو 2022 ء کا دورہ کیا اور طلبا سے بات چیت کی۔ گیریژن کمانڈر نے تعلیم کی اہمیت اور قوم کی تعمیر میں نوجوانوں کے کردار پر بھی روشنی ڈالی۔
تعلیمی میلہ
