ماڑی پٹرولیم نے واپڈ ا کو ہرا کر ہاکی گولڈ کپ جیت لیا
لاہور+گوجرانوالہ(سپورٹس رپورٹر+نمائندہ خصوصی)آل پاکستان کمشنرگولڈ کپ گوجرانوالہ ہاکی ٹورنامنٹ میں ماڑی پیٹرولیم نے واپڈا کو پنالٹی شوٹ آوٹ پر پانچ کے مقابلے میں چھ گول سے شکست دے کر ایونٹ اپنے نام کرلیا۔تیسری پوزیشن کیلئے کھیلے گئے میچ میں نیوی نے پنجاب کلر کو پنالٹی شوٹ آوٹ پر تین کے مقابلے میں پانچ گول سے ہرادیا۔ فائنل میچ کے مہمان خصوصی کمشنر گوجرانوالہ ڈویژن ذوالفقار احمد گھمن نے فاتح ٹیم کو ٹرافی اورایک لاکھ روپے رنرز اپ واپڈا کو پچاس ہزار اور نیوی کو پچیس ہزارروپے انعام دیا۔ مہمان خصوصی نے ڈائر یکٹرٹورنامنٹ اولمپئین دانش کلیم‘امپائر منیجرراشد محمود ب‘ قومی سلیکشن کمیٹی کے چیئرمین منظورالحسن جونیئر‘ناصر علی‘خالدحمید‘کلیم اللہ‘ آگنائزئنگ سیکرٹری کرنل ر آصف ناز کھوکر‘سندھ ہاکی ایسوسی ایشن کے سیکرٹری رمضان جمالی‘ عرفان باجوہ سمیت دیگرآفیشلز کو یاد گاری شیلڈز دیں۔
