لاہور(سپورٹس رپورٹر)کرکٹ آسٹریلیا نے دورہ پاکستان کیلئے 16 رکنی وائٹ بال سکواڈ کا اعلان کر دیا۔ایرون فنچ سکواڈ کی قیادت کریں گے جبکہ شین ایبٹ، آشٹن اگر، جیسن بہرنڈورف، الیکس کیری، نیتھن ایلس کو سکواڈ میں شامل کیا گیا ہے۔کیمرون گرین، ٹریوس ہیڈ، جوش انگلس، مارنوس لابوشین، مچل مارش، بین میکڈرمٹ، کین رچرڈسن، سٹیو سمتھ، مارکوس سٹوئنس اور ایڈم زمپا بھی سکواڈ کا حصہ ہیں۔ڈیوڈ وارنر ،گلین میکسویل، مچل سٹارک ،پیٹ کمنز اور جوش ہیزل ووڈ وائٹ بال سکواڈ میں شامل نہیں ہیں۔چیئرمین نیشنل سلیکشن پینل جارج بیلی کا کہنا ہے کہ ہم نے پاکستان کے ٹورکیلئے باصلاحیت اور ورسٹائل سکواڈ کا انتخاب کیا ہے۔ ہم اگلے ورلڈ کپ کیلئے ون ڈے تشکیل دینے کے عمل سے گزر رہے ہیں۔ذرائع کے مطابق دورہ سے دستبردار ہونے والے کھلاڑی آئی پی ایل کی وجہ سے شریک نہیں ہوئے ہیں ۔ پیسے کے لالچ کی وجہ سے قومی سکواڈ کیساتھ ذمہ داری نبھانے کی بجائے لیگ کھیلنے کو ترجیح دی ہے ۔