لاہور(سپورٹس ڈیسک ) فرنچائز پشاور زلمی کے بیٹر شرفین ردرفورڈ نے کہا ہے کہ پی ایس ایل کا اہم مرحلہ چھوڑ کر جانے پر مایوسی ہورہی ہے۔پاکستان سپر لیگ ہمیشہ سے ہی میری ترجیح رہی ہے کیونکہ پی ایس ایل نے مجھے دنیا بھر میں متعارف کروایا ہے۔ ہر باپ کی طرح میں بھی اپنے بچے کی پیدائش کی وجہ سے مجبور تھا کیونکہ وہ میرے لیے سب کچھ ہے۔ پاکستان میں ملنے والی مہمان نوازی اور پیار کا شکریہ ادا کرتے ہوئے کہا کہ پھر ملیں گے۔