لاہور (سپورٹس رپورٹر)پاکستان کرکٹ بورڈ نے پاکستان سپر لیگ 7 کے پلے آف مرحلے کیلئے میچ ریفریز اور امپائرز کا تقرر کردیا ہے ۔آج ملتان سلطانز اور لاہور قلندرز کے مابین کوالیفائر میں میچ ریفری کی ذمہ داری روشن ماہنامہ ادا کرینگے۔ علیم ڈار اور رچرڈ ایلنگ ورتھ آن فیلڈ امپائرز جبکہ مائیکل گف اور احسن رضا تیسرے اور چوتھے امپائر ہوں گے۔ایونٹ کا پہلا ایلیمنٹرکل 24 فروری کو اسلام آباد یونائیٹڈ اور پشاور زلمی کے مابین کھیلا جائیگا، اس میچ میں ریفری کی ذمہ داریاںآئی سی سی کے چیف میچ ریفری رنجن مدوگالے کے سپرد کی گئی ہیں، علیم ڈار اور مائیکل گف آن فیلڈ امپائرز جبکہ رچرڈ ایلنگ ورتھ اور راشد ریاض تیسرے اور چوتھے امپائر ہوں گے۔پرسوؑں25 فروری کو شیڈول ایلیمنٹر ٹو کیلئے روشن ماہنامہ کو میچ ریفری مقرر کیا گیا ہے۔ رچرڈ ایلنگ ورتھ اور مائیکل گف آن فیلڈ امپائرز کی ذمہ داریاں ادا کریں گے، علیم ڈار اورآصف یعقوب تیسرے اور چوتھے امپائر ہوں گے۔ایونٹ کا فائنل 27 فروری کو کھیلا جائیگا، جس کیلئے میچ آفیشلز کا تقرر بعد میں کیا جائیگا۔