شیخوپورہ(نامہ نگارخصوصی) پیپلز پارٹی کے ضلعی سینئر نائب صدر چودھری خالق عزیز ورک اور ضلعی نائب صدر چودھری منیر قمر واہگہ نے کہا ہے کہ پیپلز پارٹی نے آمریت کے خلاف ہمیشہ مثالی جدوجہد کی اور جمہوریت کی بحالی کیلئے لازوال قربانیاں دیں ملک میں اس وقت نام نہاد جمہوری حکومت ہے جس کے تمام کام آمروں کے سے ہیں آمرانہ ادوار کی طرح مخالف سیاسی رہنمائوں کو سیاسی انتقام کا نشانہ بنایا جارہا ہے جس کی پیپلز پارٹی شدید مذمت کرتی ہے ، خو فناک مہنگا ئی نے غر یبو ںکی چیخیں نکلوا دیں۔ ان خیالات کا اظہار انہوں نے صحافیوںسے گفتگو کرتے کیا ان رہنمائوں نے کہا کہ حکومتی وزیر مشیر محض بیان بازی سے آ گے بڑھیں اور مہنگائی کو کنٹرو ل کریں، ملک میں پیدا ہو نے والا ہر بچہ لاکھوں روپے کا مقرو ض ہے قوم پوچھتی ہے کہ ملکی وسا ئل آخر کہاں خر چ ہورہے ہیں اور قوم سے ٹیکسوں کی مد میں وصول کی جانیوالی رقوم کون ہڑپ کررہا ہے، حکمرانوں نے عوام کو سوائے مصیبتوں کے کچھ نہیں دیا عمران خان نے نوجوانوں کو ایک کروڑ ملازمتیں اور غریبوں کو 50 لاکھ مکان دینے کا وعدہ کیا تھا مگر اس وعدے کے برعکس لاکھوں لوگوں کو بے گھر اور بیروزگار کیاہے۔