گجرات (نامہ نگار) 20 سالہ نوجوان نے دوشیزہ کو قتل کر کے خود کو بھی گولی مار کر خودکشی کر لی۔ کڑیانوالہ پولیس کے مطابق گاؤں ہرڑ میں 20 سالہ نوجوان احمد رضا نے ٹیوشن سے چھٹی کے بعد گلی سے گزرتے ہوئے گاؤں کی رہائشی 20 سالہ نیلم کو فائرنگ کر کے پہلے قتل کیا اور پھر خود کو گولی مار کر اپنی زندگی کا بھی خاتمہ کر لیا واقعہ کے بعد جائے وقوعہ سے ملزم کی نعش کے قریب پڑی کلاشنکوف بھی پولیس نے قبضہ میں لیکردونوں کی نعشوں کو پوسٹمارٹم کیلئے عزیز بھٹی شہید ہسپتال منتقل کر دیا۔