لاہور (نامہ نگار) پاکستان پیپلز پارٹی کے کو چیئرمین و سابق صدر آصف علی زرداری گزشتہ روز دوبارہ لاہور پہنچ گئے ہیں۔ تفصیلات کے مطابق پیپلز پارٹی کے کو چیئرمین آصف علی زرداری کافی دنوں سے لاہور بحریہ ٹاؤن میں بلاول ہاؤس میں مقیم ہیں۔ وہ جمعرات کو ایک روز کے لیے کراچی گئے اور گزشتہ روز جمعہ کو وہ دوبارہ واپس لاہور پہنچ گئے ہیں۔ ذرائع کے مطابق آصف علی زرداری آئندہ 24 گھنٹوں میں مسلم لیگ ق کے رہنما پرویز الٰہی، مسلم لیگ ن کے رہنما شہباز شریف سمیت مختلف سیاسی جماعتوں کے اہم عہدیداران و قائدین سے ملاقاتیں کریں گے اور حکومت کے خلاف تحریک عدم اعتماد کے حوالے سے مختلف جماعتوں کے قائدین سے ملاقاتوں و مذاکرات میں ان کی شمولیت، تعاون اور حتمی لائحہ عمل تیار کیا جائے گا۔ علاوہ ازیں آصف علی زرداری، بلاول ہاؤس بحریہ ٹاؤن لاہور میں پارٹی رہنماؤں اور عہدیداران سے ملاقاتیں بھی کریں گے۔
زرداری