لاہور(سپورٹس رپورٹر)ملتان سلطانز کے کرکٹر عمران طاہر نے لاہور میں عبدالقادر کرکٹ اکیڈمی کا دورہ کیا۔ملتان سلطانز نے پی ایس ایل 7 کے فائنل سے قبل ایل سی سی اے گراونڈ میں ٹریننگ کی، جس کے بعد لیگ سپنر عمران طاہر عبدالقادر کرکٹ اکیڈمی پہنچے۔انہوں نے مرحوم عبدالقادر کو خراج عقیدت پیش کیا اور کہا کہ پاکستانی لیگ سپنر میرے استاد کی حیثیت رکھتے ہیں۔ میں نے کیریئر میں عبدالقادر سے بہت کچھ سیکھا، وہ بہت بڑے لیجنڈ تھے، جنہیں پوری دنیا مانتی ہے۔ عبدالقادر اکیڈمی میں آنا اور کھیلنا میرے لیے اعزاز کی بات ہے، جب بھی پاکستان آتا ہوں تو عبدالقادر اکیڈمی میں ضرور آتا ہوں۔