پی ایس ایل کو کامیاب بنانے پر مداحوں کا شکریہ، بابر اعظم
لاہور ( سپورٹس ڈیسک ) قومی کرکٹ ٹیم اور کراچی کنگز کے کپتان بابر اعظم نے لاہور قلندرز کے پی ایس ایل 7 کا چیمپئن بننے پر انہیں مبارکباد دی ہے۔ٹوئٹر پر پاکستانی کرکٹ ٹیم کے کپتان نے لاہور قلندرز کی تصویر شیئر کرتے ہوئے لکھا کہ دونوں ٹیموں نے شاندار کارکردگی کا مظاہرہ کیا، شاہین شاہ کی پرفارمنس داد کی مستحق ہے، جبکہ محمد رضوان اور ملتان سلطانز کے ساتھ میری تمام ہمدردیاں ہیں۔انہوں نے پی ایس ایل کو اتنا ہٹ بنانے پر مداحوں کا بھی شکریہ ادا کیا۔
