لاہور(سپورٹس رپورٹر)پاکستان اور آسٹریلیا کے درمیان پہلی بینو قادر ٹرافی کاآغاز آج سے ہوگا، تین ٹیسٹ میچز پر مشتمل سیریز کا پہلا ٹیسٹ پنڈی کرکٹ سٹیڈیم راولپنڈی میں کھیلا جائیگا۔ پہلے ٹیسٹ کیلئے دستیاب تمام آن لائن ٹکٹیں فروخت ہوچکی ہیں۔گزشتہ روزبارش کی وجہ سے پاکستان اور آسٹریلیا کے ٹیسٹ سکواڈ کے ٹریننگ سیشن منسوخ کردیئے گئے۔پہلا ٹیسٹ میچ بارش سے متاثر ہونے کا امکان ہے۔ محکمہ موسمیات نے پیشگوئی کرتے ہوئے کہا ہے کہ آج میچ کے پہلے روز موسم صاف رہنے کا امکان ہے۔ٹیسٹ کے تیسرے اور چوتھے دن بارش ہوسکتی ہے۔