گوجرانوالہ(نمائندہ خصوصی)تیاریاں مکمل لانگ مارچ گوجرانوالہ پہنچنے پر پیپلزپارٹی ضلع گوجرانوالہ کے ہزاروں کارکن استقبال کریں گے۔ بلاول بھٹو زرداری گوندلانوالہ اڈا پر جلسہ عام سے خطاب کرنے کے بعد رات سماں ہائوس وزیرآباد میں قیام کرینگے ان خیالات کا اظہار پیپلزپارٹی پنجاب کے نائب صدر و ضلعی انچارج اعجاز سماں،چوھدری ارشاد اللہ سندھو نے پیپلزپارٹی ضلع گوجرانوالہ کے عہدیداران کے مشاورتی اجلاس سے خطاب کرتے ہوئے کیا انھوں نے کہا کہ لانگ مارچ ابھی ملتان میں ہے حکمرانوں کی ٹانگیں کانپ رہی ہیں بلاول بھٹو زرداری کی قیادت میں  لانگ مارچ اسلام آباد پہنچنے سے پہلے ظالم حکمران اپنے انجام کو پہنچ جاہیں گے اسلام آباد میں دس لاکھ سے زائد افراد لانگ مارچ میں شامل ہوکر پہنچیں گے ۔