قصور (نمائندہ نوائے وقت) پیپلز پارٹی کے عوامی لانگ مارچ میں قصور سے سینکڑوں گاڑیو ں کا قافلہ شرکت کرے گا۔ چوہدری منظور احمد کی قیادت میں ہزاروں عہدیداران و کارکنان آج پتوکی میں بلاول بھٹو زرداری کے استقبال کیلئے پہنچیں گے۔ میڈیا سیل پیپلز پارٹی قصور کے مطابق پاکستان پیپلز پارٹی کے چیئرمین بلاول بھٹو زرداری کی قیادت میں عوامی لانگ مارچ جس میں بجلی، گیس، پٹرول، آٹا گھی، کھاد کی قیمتوں میں بے تحاشاہ اضافہ، مہنگائی، بیروزگاری، غربت سے تنگ لاکھوں عوام کا عوامی مارچ پتوکی ضلع قصور آج پہنچے گا۔ چوہدری منظور احمد ممبر سی ای سی، سابقہ جنرل سیکرٹری سینٹرل پنجاب و سابق ایم این اے کی قیادت میں سینکڑوں گاڑیوں کا قافلہ آج12بجے دوپہرکمال چشتی چوک قصور سے روانہ ہوگااور 2بجے دوپہر پتوکی میں عوامی لانگ مارچ اور اپنے چیئرمین بلاول بھٹو زرداری و دیگر قائدین کا بھرپور استقبال کریں گے۔ بلاول بھٹو زرداری کی قیادت میں عوامی لانگ مارچ اس سلیکٹیڈ حکومت کے خاتمے کا باعث بنے گا۔