لاہور(سپورٹس ڈیسک ) آئی سی سی ویمنز کرکٹ ورؒلڈ کپ کا نیوزی لینڈ میں آغا زہو گیا ۔ ویسٹ انڈیز نے افتتاحی میچ میں میزبان نیوزی لینڈ کو3رنز سے شکست دیدی ۔ ویسٹ انڈیز ویمنز نے پہلے کھیلتے ہوئے 9وکٹوں پر 259رنز بنائے ۔ ہیلے میتھیوز نے 119رنز کی اننگز کھیلی۔ لی تا ہو ہو نے تین کھلاڑیوں کو آئوٹ کیا ۔ جواب میںنیوزی لینڈ کی ٹیم 256رنز پر آئوٹ ہو گئی ۔ کپتان سوفی ڈیوائن نے 108رنز بنائے تاہم ٹیم کو نہ جتو ا سکیں ۔ کیٹی مارٹن نے 44رنز بنائے۔ہیلے میتھیوز ‘انیسہ محمد اور ڈینڈرا ڈوتن نے دو دو کھلاڑیوں کو آئوٹ کیا ۔ ہیلے میتھیوز کو میچ کی بہترین کھلاڑی قرار دیا گیا ۔ آج بنگلہ دیش اور جنوبی افریقہ جبکہ آسٹریلیا اور انگلینڈ کی ویمنز ٹیمیں مد مقابل ہونگی ۔ پاکستان اور بھارت کی ٹیمیں چھ مارچ کو مد مقابل ہونگی ۔