لاہور(سپورٹس رپورٹر )پاکستان کرکٹ کپ کے دوسرے رائونڈمیں خیبرپی کے نے سدرن پنجاب کو 6 وکٹوں سے ہرادیا۔ فاتح ٹیم نے 184 رنز کا ہدف 35.5 اوورز میں حاصل کرلیا۔ عادل امین نے ناقابل شکست 57 اور صاحبزادہ فرحان 50 رنز بناکر آؤٹ ہوئے۔  سدرن پنجاب کی پوری ٹیم 41.4 اوورز میں 183 رنز پر ڈھیر ہوگئی تھی۔ سندھ نے بلوچستان کو 6 وکٹوں سے شکست دیدی۔ سندھ نے 210 رنز کا ہدف 41.3 اوورز میں حاصل کرلیا۔ بلوچستان نے 9 وکٹوں پر 209 رنز بنائے تھے۔ عبدالواحد بنگلزئی نے136 رنز کی  اننگز کھیلی تھی۔سنٹرل پنجاب نے ناردرن کو 30 رنز سے ہرادیا۔ 194 رنز کے تعاقب میں ناردرن کی پوری ٹیم 163 رنز پر ڈھیر ہوگئی۔