گوجرانوالہ(نمائندہ خصوصی)گورنمنٹ کالج سیٹلائٹ ٹائون میں3روزہ شاندار سپورٹس میلہ ‘افتتاح پرنسپل گورنمنٹ کالج سیٹلائٹ ٹائون پروفیسر ڈاکٹر نذیر احمد نے کیا ،مہمان خصوصی چودھری اسلم گھمن، رانا ناصر محمود‘شیخ عامر رحمان ، پروفیسر مختار حسین تھے ۔تقریب کے آرگنائزر چیئرمین سپورٹس کمیٹی پروفیسر توقیر اسلم ،صدر پروفیسرز اینڈ لیکچرارز ایسوسی ایشن پروفیسر رانا رمضان ،پروفیسر رانا بشیر ،پروفیسر امین الرشید ،پروفیسر عثمان علی نواب ،کئیر ٹیکر بابر صدیق تھے ۔سپورٹس میلہ میں طلبا و طالبات نے کرکٹ ،بیڈ منٹن،رسہ کشی ،دوڑ،کبڈی ،جمناسٹک سمیت مختلف کھیلوں میں حصہ لیا ۔رسہ کشی کا میچ آرٹس کی ٹیم نے جیت لیا ۔کرکٹ میچ سائنس کی ٹیم نے جیتا ،اساتذہ کی دوڑ میں پروفیسر مرزا جاوید،ڈاکٹر اکرم ورک ،پروفیسر ماجد اعوان ،پروفیسر وسیم نور نے پوزیشنیں حاصل کیں ،بچوں کی ریس میں ڈاکٹر نبی احمد کے صاحبزادے محمد اور پروفیسر طارق محمود کھوکھر کے صاحبزادے یحیی طارق کامیاب ہوئے۔ پوزیشن حاصل کرنے والے طلبا وطالبات میں ٹرافیاں تقسیم کی گئیں ۔