لاہور(سپورٹس رپورٹر)عالمی شہرت یافتہ پاکستانی باکسر محمد وسیم بھی پاکستان اور آسٹریلیا کی ٹیموں کو پنڈی سٹیڈیم میں مدمقابل دیکھنے کیلئے کافی بیتاب نظر آرہے ہیں۔ ٹوئٹر پر محمد وسیم نے لکھا کہ میں نے سنا ہے کہ این سی او سی نے پاکستان ‘آسٹریلیا سیریز کیلئے 100 فیصد تماشائیوں کو سٹیڈیم میں داخلے کی اجازت دی ہے۔ دبئی میں ورلڈ ٹائٹل فائٹ کیلئے ٹریننگ کررہا ہوں ورنہ ضرور پنڈی سٹیڈیم جا کر میچ دیکھتا۔باکسر محمد وسیم نے اپنے پیغام میں پاکستان ٹیم کیلئے نیک خواہشات کا بھی اظہار کیا۔محمد وسیم 19 مارچ کو دبئی میں انٹرنیشنل باکسنگ فیڈریشن میں ناقابل شکست فلائی ویٹ ورلڈ چیمپئن سنی ایڈورڈز کا مقابلہ کریں گے۔