گگومنڈی+بوریوالہ (نامہ نگار+ نمائندہ نوائے وقت) لڈن روڈ پر تیز رفتار دودھ سپلائی کرنے والے ٹینکر کی ٹکر سے کار میں سوار تین افراد جاں بحق جبکہ تین افراد شدید زخمی ہو گئے جاں بحق افراد کا تعلق ایک ہی خاندان سے تھا کار میں سوار مختار یاسین اور نبیل جاں بحق ہو گئے جبکہ دیگر تین افراد امین عنیب اور حماد شدید زخمی ہو گئے جاں بحق افراد کی نعشوں اور زخمیوں کو ہسپتال منتقل کر دیا گیا جبکہ ٹینکر کار ڈرائیور موقع سے فرار  ہو گیا۔ ریسکیو ذرائع کے مطابق زخمیوں کی حالت تشویشناک بتائی جا رہی ہے جاں بحق اور زخمی افراد کا تعلق گگومنڈی کے نواحی گاؤں 253 ای بی طفیل آباد سے بتایا جا رہا ہے اور وہ شادی کی تقریب سے واپس چک جا رہے تھے۔