نوشہرہ ورکاں (نمائندہ نوائے وقت) ثناء اللہ شاہین کو گورنمنٹ بوائز ہائی سکول نمبر 1 نوشہرہ ورکاں کا دوبارہ ہیڈ ماسٹر تعینات کر دیا گیا جس کا انہوں نے چارج سنبھال کر باقاعدہ کام شروع کر دیا ہے ان کے پیش رو جعفر دین گجر اور سکول سٹاف نے پھولوں کے ہار پہنا کر ان کا استقبال کیا اس موقع پر ہیڈ ماسٹر ایسوسی ایشن کے صدر ملک عبدالروف، محمد بشیر مجاہد، عبدالشکور اور دیگر عہدیداران نے انہیں تعیناتی پر مبارکباد دی اور نیک خواہشات کا اظہار کرتے ہوئے پھولوں کا گلدستہ پیش کیا ہیڈ ماسٹر ثناء اللہ شاہین اپنے بھرپور استقبال کرنے پر سکول سٹاف کا شکریہ ادا کرتے ہوئے اس عزم کا اظہار کیا کہ انشاء اللہ میری بھرپور کوشش ہو گی کہ آپ کے تعاون سے گورنمنٹ بوائز ہائی سکول نمبر 1 کو ایک مثالی تعلیمی ادارہ بناوں یاد رہے کہ پانچ ماہ قبل بھی سیکرٹری سکول ایجوکیشن حکومت پنجاب نے ثناء اللہ شاہین کا گورنمنٹ بوائز ہائی سکول نمبر 1 میں تبادلہ کیا تھا جو چند دنوں کے بعد منسوخ کر دیا گیا تھا۔