لاہور(سپورٹس رپورٹر) پاکستان بلائنڈ کرکٹ ٹیم نے جنوبی افریقہ کو پہلے ٹی ٹونٹی میں دس وکٹوں سے شکست دے کر سیریز میں ایک صفر کی سبقت حاصل کرلی، قومی ٹیم نے 183 رنز کا ہدف بغیر کسی نقصان کے پوراکرلیا۔ تین میچوں کی سیریز کے پہلے میچ میں پاکستان نے ٹاس  جیت کر پہلے مہمان ٹیم کو بیٹنگ کی دعوت دی، جس نے پانچ وکٹ کھوکر182 رنز بنائے۔ معین اسلم اور محمد راشد نے پہلی وکٹ کی شراکت میں شاندار پرفارمنس دیتے ہوئے گیارہ عشاریہ چار میں183رنز کا ہدف پورا کرلیا، معین اسلم نے ناقابل شکست 99 ، محمد راشد نے71سکور کیساتھ جیت میں حصہ ڈالا۔ دوسرا ٹی ٹونٹی میچ سات جبکہ تیسرا میچ اٹھ مارچ کو اقبال سٹیڈیم فیصل آبادمیں کھیلاجائیگا۔