قصور (نمائندہ نوائے وقت) قصور سرحدی علاقہ گنڈا سنگھ والا میں جھونپڑی نما گھر میں شارٹ سرکٹ کے باعث آگ لگنے سے ایک ہی خاندان کے 2 کمسن بچے جل کر جاں بحق ہوگئے جبکہ ایک بچہ زخمی ہوگیا گھر جل کر خاکستر ہو گیا۔ جاں بحق بچوں کی شناخت 7 سالہ اشفاق اور 6 سالہ اشتیاق ولد انور جبکہ زخمی 2 سالہ معصوم زین کے نام سے ہوئی ہے ریسکیو1122 نے موقع پر پہنچ کر ابتدائی طبی امداد دی تاہم ریسکیو عملہ کے موقع پر پہنچنے سے پہلے آگ بجھ چکی تھی جبکہ لواحقین نے ڈیڈ باڈی اور جھلسنے والے مریضوں کو ہسپتال لیجانے سے انکار کردیا۔تھانہ گنڈا سنگھ مصروف کارروائی ہے۔
قصور/آتشزدگی