لیہ شادی سے واپسی پر وین کار سے ٹکراگئی ایک خاندان کے 6افراد جاں بحق
لیہ (آئی این پی) لیہ کے علاقہ چوک اعظم کے نزدیک ایم ایم روڈ پر کیری وین اور کار میں تصادم کے نتیجے میں تین بچوں سمیت ایک ہی خاندان کے 6 افراد جاں بحق ہو گئے، زخمی ہونے والے 19 افراد کو تحصیل و ڈسٹرکٹ ہسپتال منتقل کر دیا گیا۔ کیری وین میں سوار خاندان شادی میں شرکت کے بعد مظفر گڑھ سے فتح پور کے چک نمبر 217 ٹی ڈی اے اپنے گھر واپس جا رہا تھا کہ گولہ اڈہ کے قریب حادثہ ہوگیا۔ مرنے والوں میں دو خواتین، تین بچے اور ڈرائیور شامل ہیں۔ حادثہ میں کار سواروں سمیت مجموعی طور پر 19 افراد زخمی ہوئے جنہیں نشتر ہسپتال ملتان، ڈسٹرکٹ ہسپتال لیہ اور تحصیل ہسپتال چوک اعظم منتقل کیا گیا ہے۔ جاں بحق ہونے والوں کی شناخت محمد انیس، شعیب، عابد، سفیان، مالو بی بی اور شاہدہ بی بی کے نام سے ہوئی ہے۔
لیہ حادثہ
