لاہور(سپورٹس ڈیسک )یوکرائن کی ڈیانا یاسٹریمسکا فائنل میں ژانگ شوائی کے ہاتھوں شکست کے بعد لیون اوپن میں ٹائٹل جیتنے سے محروم رہ گئیں۔21 سالہ کھلاڑی کوفیصلہ کن مقابلے میں 3-6 6-3 6-4 سے شکست ہوئی۔یاسٹریمسکا نے کہا کہ وہ اپنی انعامی رقم تقریباً 12,000پونڈ یوکرائن کی مدکیلئے استعمال کریں گی۔انہوں نے کہا کہ یہ ایک مشکل ہفتہ رہا ہے‘اپنے ملک کے جھنڈے میں لپٹی یاسٹریمسکا نے آنسو بہاتے ہوئے لیون کے ہجوم سے خطاب کیا اور یوکرائن میں رہنے والے اپنے ہم وطنوں کو پیغام دیا۔