لاہور (نامہ نگار) کوٹ لکھپت کے علاقے میں قبرستان کے باہر سے 30سالہ نامعلوم نوجوان کی بوری بند نعش ملی ہے۔ شبہ ہے کہ نامعلوم افراد نے نوجوان کو اغوا کے بعد تشدد کا نشانہ بنا کر قتل کر دیا اور نعش بوری میں بند کر کے قبرستان میں پھینک کر فرار ہو گئے ہیں۔ پولیس نے موقع پر پہنچ کر بوری کھول کر دیکھا تو اس میں سے30سالہ نامعلوم شخص کی  نعش ملی۔ نعش کئی روز پرانی جس میں سے شدید تعفن اٹھ رہا تھا۔ پولیس نے نعش پوسٹ مارٹم کے لیے مردہ خانے منتقل کر کے تحقیقات کا آغاز کردیا گیا ہے جبکہ تاحال مقتول کی کوئی شناخت نہیں ہو سکی ہے ۔