قصور (نمائندہ نوائے وقت) ڈنگی پورہ قصور میں خستہ  مکان کی چھت گرنے سے دو کمسن بہن بھائی جاں بحق ہوگئے۔ ڈنگی پورہ کے رہائشی ارشاد کے بچے سات سالہ اسد، دس سالہ صبیحہ گھر میں موجود تھے کہ اچانک گھر کی چھت ان پر آن گری جس کے نتیجہ میں دونوں شدید زخمی ہو گئے۔ ریسکیو کی امدادی ٹیم نے بچوں کو تشویشناک حالت میں ہسپتال پہنچایا مگر وہ جانبر نہ ہو سکے اور دم توڑ گئے۔ بچوں کی موت سے گھر میں کہرام مچ گیا۔