یوکرائن میں پھنسے 232 پاکستانیوں کو لیکر پی آئی اے کا طیارہ اسلام آباد پہنچ گیا
راولپنڈی (سٹاف رپورٹر) یوکرائن میں پھنسے پاکستانیوں کی وطن واپسی کیلئے جانے والی پی آئی اے کی خصوصی پرواز پی کے 7788 پولینڈ سے اسلام آباد انٹرنیشنل ایئر پورٹ پہنچ گئی۔ پرواز ورسا سے 232 پاکستانیوں کو لے کر وطن کیلئے روانہ ہوئی تھی۔ ترجمان پی آئی اے کے مطابق قومی ایئر لائن رات 12 بجے اسلام آباد پہنچ گئی۔ پی آئی اے نے پہلے مرحلے میں 1200 پاکستانیوں کو لانے کیلئے انتظامات مکمل کر لئے ہیں۔ پہلے پرواز کے بعد سفارتی عملے کے گرین سگنل پر دوسری پرواز بھی روانہ کر دی جائے گی۔
