لاہور(سپورٹس رپورٹر)ہاؤس آف ناردرن اسلام آباد میں کھیلے گئے میچ میں سدرن پنجاب نے سلمان علی آغا کی شاندار سنچری کی بدولت  ناردرن کو67 رنز سے شکست دیدی۔ 285 رنز کے تعاقب میں ناردرن کی پوری ٹیم 43.2 اوورز میں 217 رنز پر آؤٹ ہوگئی۔ مبصر خان 65 اور روحیل نذیر 40 رنز بناکر آؤٹ ہوئے۔ ناردرن پنجاب نے 48.1اوورز میں 284 رنز بنائے۔ سلمان علی آغا نے 171 رنز کی  اننگز کھیلی تھی۔ ملتان میں کھیلے گئے میچ میں بلوچستان نے سنٹرل پنجاب کو 8 وکٹوں سے ہرادیا۔ فاتح ٹیم نے 180 رنز کا ہدف 36.3اوورز میں 2 وکٹوں پر حاصل کرلیا۔ اوپنر عمران بٹ نے 9 چوکوں کی بدولت 100 رنز کی ناقابل شکست اننگز کھیلی۔ سنٹرل پنجاب کی ٹیم 37.5 اوورز میں 179 رنز پر پویلین واپس لوٹ گئی۔ لاہور میں کھیلے گئے میچ میں خیبرپی کے نے سندھ کو 113 رنز سے شکست دیدی۔سندھ کی پوری ٹیم 221 رنز کے تعاقب میں 107 رنز پر ڈھیر ہوگئی۔ خالد عثما ن نے 5 کھلاڑیوں کو پویلین کی راہ دکھائی۔۔ خیبرپی کے نے 220 رنز بنائے تھے۔