لاہور(سپورٹس ڈیسک ) ایران کی  قومی سنوکر ٹیم کے کھلاڑی 'امیر سرخوش' نے عالمی سنوکر  چیمپئن شپ میں امریکی حریف کو ہرا دیا۔عالمی سنوکر چیمپئن شپ  ٹورنامنٹ قطر کی میزبانی دوحہ میں منعقد کی جا رہی ہے جس میں گزشتہ رو ز  امیر سرخوش نے شاندار کھیل کا مظاہرہ کرتے ہوئے امریکی حریف کو 4-0 سے شکست دی۔امیر سرخوش میزبان ملک کے کھلاڑی منصور العبیدلی کو بھی شکست دینے میں کامیاب رہے۔ان مقابلوں میں ایرانی ٹیم کے کھلاڑی امیر سرخوش، سیاوش مزینی اور علی روشنی  حصہ لے رہے ہیں۔سیاوش مزینی نے ان مقابلوں کے پہلے دن میں قطرکے منصور البینالی کو 4-1 کے ساتھ ہرا یا اور پیر کو ہسپانوی حریف کو چار ایک کے نتیجے کیساتھ شکست دے کر ناک آوٹ کے مرحلے کیلئے اپنی جیت کو یقینی بنا لیا۔عالمی اور ایشین سنوکر چیمپئن شپ 7 مارچ سے شروع ہوئی اور 11 مارچ تک جاری رہے گی۔